Kapitullimi i Albin Kurtit është më i dëmshëm se çfardo lloj sanksionesh ndaj Kosovës. Gjithashtu, Cilido lloj i Zajednicës nënkupton fillimin e Krijmit të Republika Srpska të Kosovës.
Prandaj, Kryemistri Kurti e ka përkrahjen gjithëpopullore që ta shtrijë sovranitetin e Republikës në gjithë territorin e saj dhe nuk duhet të zbrapset asnji milimetër nga çlirimi i veriut nga terrorizmi Serb këtu. Mandatin ja kemi dhënë që të mos e nënshkruaj Zajednicën.
Jemi duke jetuar qe 24 vite nën terrorin Serb në veri të Kosovës, nën terrorin i cili heshturazi inkurajohet nga bashkësia ndërkombëtare. Kemi jetuar 100 vite nën apartheid-in Serb, edhe sanskionet e padrejta nga EU do t’i përballojmë me dinjitet.
EU-ja është në prag të vdekjes klinike në Kosovë. Marrdhënjet me EU tanimë janë të dëmtuara përtej pritshmërisë. Riparimi i besimit ndaj EU-së do të marr kohë të konsiderueshme. Ate çfar u munduan ta ndërtojë EU në Kosovë për 24 vite e rrëzuan tandemi Lajçak Borrell për nji orë.
Kështuqë, EU-ja, Kështjella nga Letra në vend të kushtëzimeve që po ia bën Kosovës duke shërbyer si zgjatim (proxy) i Vuçiqit do të duhej ta përkrahë demokracinë e vetme në Ballkan.
Në anën tjetër, sanskioneve të EU-së Kosova duhet ti përgjigjet me pezullimin e përkohshëm të kërkesës për antarsim në EU. Pas heqjes së Sanskioneve mund ta ri-konsiderojmë aderimin në EU. Qeveria Kurti nuk duhet të rrijë duarkryq karshi kërcnimeve me sanskione. Ajo duhet ti përgjigjet me kontrakërcnime dyfish më të ashpra duke filluar me sanksione ndaj misionit të EU-së në Kosovë.
Përshembull, Duhet ta konsiderojmë Ndërprerjen e menjihershme të Mandatit të EULEX-it dhe deportimin e tyre mbrenda 24 orëve ose heqjen e të gjitha sanksioneve ndaj Kosovës.
Veprimet e padrejta dhe animi Pro-Serbisë i zyrtareve të EU-së, pra, rreshtimi i tyre haptas Kundër Kosoves duhet të ketë konsekuenca edhe për Europën.
Rexhep MYFTARI
Themelues i DardaMEDIA
Banor i Veriut te Mitrovicës
Diskutim rreth këtij postimi