Kalimi i Driton Camajt te FK Novi Pazar nuk është vetëm një transferim i zakonshëm në tregun e dimrit. Ai rikthen në kujtesë vitet ’80 dhe ’90 të shekullit të kaluar, kur ky klub – që nga hyrja në Ligën e Dytë (Lindje) të ish-RSF të Jugosllavisë – pothuajse asnjëherë nuk ka qenë pa futbollistë shqiptarë në përbërje.
Në fanellën e Novi Pazarit kanë lënë gjurmë shumë yje të futbollit nga Kosova: Rama, vëllezërit Ajeti, Sadriu, Kollari, Miftari, Zhjeqi e të tjerë. I fundit që ishte pjesë e këtij klubi deri në vitin 1999 ishte Shefqet Kurti. Përtej futbollit, në skenën sportive të qytetit kanë spikatur edhe hendbollistë shqiptarë si Aziz Makiqi, Basri Tupella, si dhe portieri Abazi.
Në këtë kontekst historik, paraqitjet e Camajt sot në Superligën e Serbisë marrin edhe një dimension simbolik: ato përfaqësojnë një vazhdimësi të ndërprerë, një rikthim të heshtur të një tradite sportive që për dekada ka lidhur Kosovën, Malësinë dhe Sanxhakun përmes futbollit.
Sot, Koha.net ka sjellë në vëmendje një histori të veçantë suksesi në futbollin rajonal. Bëhet fjalë për Driton Camajn, futbollistin shqiptar nga Malësia e Madhe (Mali i Zi), i cili po dominon në Superligën e Serbisë me fanellën e FK Novi Pazar.
Camaj u transferua më 19 janar dhe nisi menjëherë me paraqitje mbresëlënëse: dy gola ndaj FK Spartak Subotica në barazimin 2:2, gol ndaj OFK Beograd në fitoren 2:1, si dhe dy supergola në fitoren 3:0 ndaj FK Vojvodina në Novi Sad.
Ai mban fanellën me numrin 10 dhe luan si sulmues krahu, duke u kthyer në një nga figurat kyçe të skuadrës që aktualisht renditet e katërta në Superligë, pas FK Crvena zvezda, FK Partizan dhe Vojvodinës.
Camaj ka 28 paraqitje dhe dy gola me përfaqësuesen e Malit të Zi. Ai ka luajtur më parë për FK Budućnost Podgorica, NK Inter Zaprešić, FK Dečić, FK Lovćen, FK Iskra Danilovgrad, si dhe për klubet hungareze Kisvárda FC dhe Kecskeméti TE, ndërsa për një periudhë ishte pjesë e FC Astana.
Por kalimi i Camajt në Novi Pazar na rikthen në vitet ’80 dhe ’90, kur ky klub – që nga hyrja në Ligën e Dytë (Lindje) të ish-Jugosllavisë – pothuajse asnjëherë nuk ka qenë pa futbollistë shqiptarë. Në këtë klub kanë luajtur shumë yje nga Kosova: Rama, vëllezërit Ajeti, Sadriu, Kollari, Miftari, Zhjeqi e të tjerë. I fundit që ishte pjesë e klubit deri në vitin 1999 ishte Shefqet Kurti.
Përveç futbollistëve, në Novi Pazar kanë lënë gjurmë edhe sportistë të tjerë shqiptarë, si hendbollistët Azizi, Makiqi, Basri Tupella, si dhe portieri Abazi.
Në një kampionat ku futbollistët shqiptarë rrallë luajnë për shkak të tensioneve historike dhe klimës së vështirë, Camaj ka gjetur një ambient ku po shkëlqen dhe ku gëzon përkrahje të madhe nga tifozët. Ai vetë është shprehur se atmosfera në qytet është “fenomenale” dhe se ndihet i pranuar si nga drejtuesit, ashtu edhe nga bashkëlojtarët.
Suksesi i tij është më shumë se një histori sportive – është një rikthim simbolik i një tradite të ndërprerë.
(Referuar shkrimit të publikuar nga Koha.net)
Discussion about this post