Kryetari i Këshillit Kombëtar Shqiptar në Serbi Nevzad Lutfiu në proflin etij në fb shkruan:
“Në Gjykatën për kundërvajtje në Preshevë, në konkursin e fundit për gjykatës, është pranuar një kuadër shqiptar dhe një serb.
Gjyqëtarja e përzgjedhur serbe është nga Vranja, 40 km larg Preshevës.
Në këtë konkurs kanë kandiduar edhe kandidatë të tjerë nga Presheva dhe Bujanoci që i kanë plotësuar kushtet për pozitën e shpallur.
Ndërsa në Gjykatën për Kundërvajtje në Vranjë, njësia në Bujanoc, sipas informacioneve tona do të sistemohet një kuadër nga Surdulica, 60 km larg Bujanocit, edhe për kundër faktit që edhe në këtë konkurs kanë kandiduar edhe dy kandidatë shqiptarë që i kanë plotësuar kushtet.
“Gjatë propozimit për zgjedhjen e gjyqtarit dhe gjatë zgjedhjes së gjyqtarit është i ndaluar diskriminimi në çdo formë”, precizon Ligji për gjykatës, ku kërkohet të tregohet kujdes i veçantë në përbërjen kombëtare të popullsisë, përfshirjen e duhur të pakicave kombëtare dhe njohjen e terminologjisë profesionale juridike të gjuhës së pakicave kombëtare e cila është në përdorim zyrtar në atë Gjykatë.
Pra, Ligji shkelet pikërisht gjatë përzgjedhjes në pozita të gjykatësve, dhe imagjinone se çfarë drejtësie do të presim nga ta.”
Discussion about this post