“Sot, në ambientet e Këshillit Kombëtar Shqiptar në Bujanoc, patëm kënaqësinë të presim Ambasadorin e Britanisë së Madhe(Mbretërisë së Bashkuar) në Beograd, z. Edward Ferguson, gjatë vizitës së tij në Luginën e Preshevës.
Në këtë takim, diskutuam mbi sfidat me të cilat përballen shqiptarët në komunat e Preshevës, Bujanocit dhe Medvegjës, me theks të veçantë në fushat e
Pasivizimit të adresave dhe ndikimit të tij në të drejtat qytetare,
Diskriminimit në punësim në institucionet publike,
Mungesës së përfaqësimit adekuat në nivelet republikane,
Mungesa e teksteve mësimore për shkollat e mesme dhe sfidat në arsim,
Mungesa e gatishmërisë nga institucionet në respektimin e gjuhës shqipe si gjuhë zyrtare në Preshevë, Bujanoc dhe Medvegjë. Si dhe nevojën që Qeveria serbe të ndjekë shembujt e shteteve fqinje si Malin e Zi dhe Maqedoninë e Veriut në zgjidhjen e çështjes për llejimin dhe e përdorimin zyrtar të flamurit dhe simboleve kombëtare.
Poashtu potencuam nevojën urgjente për zbatimin e Planit 7Pikësh nga ana e Qeverisë në Beograd, si mekanizëm për avancimin e të drejtave kolektive të shqiptarëve, të cilin veta ajo e ka nënshkruar dhe adaptuar si dokument!
E kjo do duhej të fillonte me realizimin në plotni të Planit Aksional për integrimin e shqiptarëve në institucionet publike republikane 2023-2026, i përpiluar dhe mbështetur nga vet ministritë përkatëse.
Vlerësuam interesimin dhe angazhimin e Britanisë së Madhe , për të ndjekur nga afër zhvillimet në Luginë, si dhe rëndësinë që ka mbështetja e institucioneve ndërkombëtare është shpresa jonë e vetme në avancimin e të drejtave të njeriut dhe të pakicave.
Këshilli Kombëtar Shqiptar do të vazhdojë të jetë një adresë për dialog dhe përfaqësim dinjitoz të interesave të shqiptarëve në Luginën e Preshevës.”
Discussion about this post