Ardita Sinani shkroi në facebok për takimin e saj me z. Antonios Balaskas:
“Beogradi zyrtar po vazhdon me bllokimin e proceseve integruese të shqiptarëve dhe mungesën e vullnetit për zhvillim socio-ekonomik të Luginës së Preshevës. Kjo qasje penguese thellohet edhe më tej me emërimin e përfaqësuesve që nuk kanë legjitimitet dhe nuk përfaqësojnë interesat e shqiptarëve të Luginës, siç është rasti i fundit me zgjedhjen e ministrit Demo Berisha.
Për këto dhe shumë çështje të tjera, bisedova sot me koordinatorin e Misionit të OSBE-së në rajon, z. Antonios Balaskas, të cilin e falënderova për angazhimin dhe përkushtimin e vazhdueshëm të OSBE-së ndaj rajonit tonë.
Diskutuam po ashtu për rëndësinë e hapjes së pikës kufitare Miratoc-Llojan, si nevojë urgjente për lëvizje më të lirë të njerëzve dhe qarkullim ekonomik në këtë pjesë të rajonit.”
Discussion about this post