REXHEP FERRI

Rexhep Ferri u lind në vitin 1937 në Kukës, Shqipëri. Ai është piktor dhe shkrimtar. Më 1962 botoi poezitë nga cikli “Shëtitësit e lodhur” në revistën letrare “Jeta e re” në Prishtinë. Nga viti 1966 deri në vitin 1970, ai mbaroi studimet universitare dhe pasuniversitare në Degën e Pikturës Monumentale në Akademinë e Arteve në Beograd. Më 1971 mori çmimin e dhjetorit të Kuvendit të Kosovës. Në vitin 1974 zgjedhet pedagog i Akademisë së Arteve Figurative në Prishtinë. Më 1975 fiton çmimin e Sallonit Pranveror për pikturë të Shoqatës së Artistëve Figurativë të Kosovës. Në vitin 2000 zgjedhet anëtar i rregullt i ASHAK. Ka botuar edhe disa përmbledhje të poezive, si dhe disa romane. Sot, ai jeton me familjen në Prishtinë.