Festim madhështor i Ditës së Flamurit në Ostermundigen

Një mbrëmje uniteti, tradite dhe krenarie kombëtare

Në mbrëmjen festive të datës 28 Nëntor, komuniteti shqiptar në Ostermundigen të Zvicrës u mblodh për të shënuar me dinjitet dhe emocion Ditën e pavaresise se Shqipërisë dhe ditën e Flamurit, përvjetorin e 113, të një nga festat më të rëndësishme të kombit shqiptar. Aktiviteti, i organizuar me kujdes dhe përkushtim nga ALBAKULT, u shëndërrua në një manifestim të vlerave tona kulturore, identitetit kombëtar dhe lidhjes së patjetërsueshme me atdheun.

Atmosfera festive u pasurua me muzikë tradicionale, valle popullore dhe momente artistike që sollën në skenë energjinë, shpirtin dhe krenarinë shqiptare. Të pranishmit përjetuan një mbrëmje të paharrueshme, ku arti dhe kultura u ndërthurën në mënyrë harmonike, ndërsa ndjenja e bashkimit u reflektua tek çdo pjesëmarrës.

Ceremonia u nderua nga prania e Sekretarit të Ambasadës së Kosovës në Bern, z. Gjesnis Hagjimehmeti, i cili mbajti një fjalë rasti duke shprehur urimet më të përzemërta për të gjithë shqiptarët me rastin e Festës së Flamurit. Ai theksoi rëndësinë e ruajtjes së identitetit kombëtar dhe kontributin që mërgata vazhdon të japë për çështjen shqiptare.

Pjesë e veçantë e programit ishin performancat e fëmijëve – nga mosha 7 vjeç e lart – të cilët sollën në skenë këngë dhe valle nga trevat shqiptare, duke emocionuar publikun dhe duke dëshmuar se trashëgimia jonë kulturore po përcillet me krenari te brezat e rinj.

Mysafirët nga Kosova, përkatesisht grupi Gent’s Studio, perfomoi me një kolazh të pasur të kengeve dhe melodive shqiptare.

Për herë të parë në këtë event mori pjesë edhe Shkolla Shqipe e Bernit, nën drejtimin e mësueses Mirsime Muja Durmishi. Nxënësja Aksa Hagjimehmeti u prit me duartrokitje për recitimin e saj emocional, që e mbushi sallën me ndjenjë atdhedashurie dhe reflektim.

Shoqeria Kulturore Artistike ALBAKULT, apelon tek prindërit e komunitetit që të angazhohen në ruajtjen e gjuhës shqipe duke i dërguar fëmijët në shkollën shqipe të mërgimit. “Ruajtja e gjuhës së nënës është themeli i identitetit kombëtar dhe përgjegjësi e përbashkët,” u theksua gjatë aktivitetit.

Mbrëmja u nderua gjithashtu nga prania e dy figurave të njohura të mërgatës shqiptare në Bern dhe rrethinë – z.Indrit Bunjaku-Mehmeti dhe z. Hajdar Sadrija – personalitete që prej vitesh kontribuojnë fuqishëm në ruajtjen, promovimin dhe mbështetjen e çështjeve kombëtare.

Ky aktivitet dëshmoi edhe një herë se mërgata shqiptare në Zvicër mbetet një forcë e fuqishme e ruajtjes së kulturës, gjuhës dhe identitetit tonë kombëtar, duke i qëndruar besnike rrënjëve.

Ceremonia e 28 Nëntorit në Bern u hap nga Sekretari i Ambasadës së Kosovës, Gjesnis Hagjimehmeti, i cili theksoi rëndësinë e ruajtjes së identitetit kombëtar dhe rolin e çmuar të diasporës.

Për herë të parë mori pjesë edhe Shkolla Shqipe e Bernit, nën drejtimin e mësueses Mirsime Muja Durmishi. Nxënësja Aksa Hagjimehmeti emocionoi të pranishmit me recitimin e saj mbresëlënës.

Gjatë aktivitetit, Shoqëria Kulturore Artistike ALBAKULT apeloi tek prindërit që të përkrahin ruajtjen e gjuhës amtare duke i dërguar fëmijët në shkollën shqipe të mërgatës, duke theksuar se “gjuha e nënës është themeli i identitetit kombëtar.