Poezitë e këti libri janë me motive të ndryshme, janë ndjenjat e një intelektualeje dhe të një nëne e cila me përkushtimin e pa shoq i rriti bijtë e saj në dheun e huaj: Vetëm ky element, na bënë me kuptuar për sakrificën e gruas shqiptare, prandaj motivet e poezive herë-herë kanë element idilik, e herë të tjera shprehin pezëm e mllef që shoqërohet me vargun lirik, kurse gjuha elokuente e ka bërë vargun poetik më përjetues dhe me motivin e artikuluar me sukses.
Libri ndahet në gjashtë cikle: “Elegji për mërgimin“, “Ndërmjet bjeshkës dhe fushës“, “Pran oxhakut të shtëpisë“, “Shurdhëria e heshtjes“, “Fluturim mbi hapësirën shqiptare“, dhe cikli me poezi humoristike “Seq fishkëllon e pëlcet kazani“, kanë ndërthurur një varg të tërë motivesh me ndjenjash të trazuara, kurse autorja tash ia prezanton lexuesit si një uverturë lirike e realizuar me sukses.
Vlen të theksohet se Zize Pepshi, ka mbi dyzet vjetë, (qysh nga Pranvera kosovare e vitit 1981), që është figura, (sidomos e femrës), më aktive në mërgatën shqiptare në Zvicër dhe tej saj. Me këtë botim, poetesha vetëm e ka kompletuar edhe më mirë mozaikun e veprimtarisë së saj në shumë fusha të jetës publike dhe intelektuale.
Vëllimin me poezi “MË JANË PËRZIER ATDHETË“, është me lidhje të fortë dhe i përgatitur teknikisht mjaftë mirë. E botoi Shtëpia Botuese, “Faik Konica”, në Prishtinë, 2021. Libri i ka 130 faqe.
St. Gallen, 20 qershor 2021.
Discussion about this post