Vizita u zhvillua para hyrjes monumentale të muzeut, ku delegacioni u prit në një atmosferë të hapur dhe miqësore. Muzeu i St. Gallenit njihet për koleksione që shtrihen nga 50 mijë vjet histori kulturore, deri te ekspozitat bashkëkohore që trajtojnë lidhjet ndërkulturore të Europës me botën.
Banderolat e ekspozitave aktuale – “50’000 Jahre Kulturgeschichte”, “Hier beginnt St. Gallen” dhe “Die Welt ins Museum” – theksuan qasjen e muzeut për të sjellë historinë botërore dhe trashëgimitë e popujve në një hapësirë të përbashkët kulturore.
Behije Hasanaj, pjesë e grupit vizitor, vlerësoi ekspozitat dhe rolin e muzeut në ndërthurjen e kulturave dhe dokumentimin e trashëgimisë botërore.
Fotografia e realizuar para hyrjes së muzeut dokumenton këtë vizitë simbolike, ku kultura, dialogu dhe bashkëpunimi ndërkulturor vijnë në qendër të vëmendjes.
Discussion about this post