Ambasadori në NATO Astit Zemaj në proffilin e tij në facebok shkruan:
“Në mars të vitit 1999, NATO ndërhyri për të ndalur një katastrofë humanitare në Kosovë, një akt vendimtar për të shpëtuar një popull nga shfarosja dhe spastrimi etnik.
Për 78 ditë, NATO kreu mbi 38,000 fluturime ajrore, nga të cilat mbi 10,484 ishin goditëse, pa asnjë humbje të forcave të saj. Ishte një ndërhyrje historike, e udhëhequr nga vlerat e mbrojtjes së jetës dhe lirisë.
Por misioni nuk përfundoi me çlirimin. Për 26 vjet me radhë, NATO ka qëndruar përkrah Kosovës përmes misionit KFOR, si garantuese e sigurisë, stabilitetit dhe ndërtimit të institucioneve demokratike. Ky angazhim afatgjatë është themeli mbi të cilin mbështetet rruga euroatlantike e Kosovës.
Lufta për liri e popullit të Kosovës ishte e drejtë, legjitime dhe e shenjtë, e zhvilluar përmes vetëdijes kombëtare, rezistencës paqësore dhe qëndresës së armatosur. Ishte një betejë për ekzistencë dhe dinjitet.
Si ambasadori i parë i Kosovës në NATO, pata privilegjin të dëshmoj nga afër përkushtimin e aleatëve për vendin tonë, nga momentet e çlirimit deri te procesi i shtetndërtimit dhe integrimit ndërkombëtar.
Sot, aleanca ndërmjet Kosovës dhe NATO-s mbetet një shtyllë e palëkundur e sigurisë sonë kombëtare dhe rajonale. Kosova është dhe do të mbetet përjetësisht mirënjohëse për mbështetjen e jashtëzakonshme të NATO-s dhe vendeve aleate dhe partnere.”
Discussion about this post