Kryetarja e komunsës së Preshevë në profilin e saj në facebok shkruan:
“Të jesh në Sanxhak dhe të mos takosh Dr. Sulejman Uglaninin, do të ishte një nënçmim ndaj luftës për të drejtat elementare të pakicave në Serbi.
Si një nga themeluesit e Partisë Demokratike për Aksion (SDA) që nga viti 1990, Dr. Uglanini ka qenë një aleat i pandashëm i PVD-së dhe shqiptarëve në kërkesat për barazi dhe të drejta themelore, si në Parlamentin e Serbisë ashtu edhe në aktivitete tjera politike.
Gjatë takimit, Dr. Uglanini më uroi për zgjedhjen time si Kryetare e Komunës së Preshevës, dhe unë e njoftova për sfidat që po përballemi si rreth lëvizjes së lirë , problemet me njohjen e diplomave , fshirjen e adresave dhe përpjekjet që po bëjmë për të përmirësuar jetën e qytetarëve tanë.
Gjithashtu, deputeti Shaip Kamberi e informoi Dr. Uglaninin rreth aktiviteteve të tij në Parlamentin e Serbisë, duke theksuar angazhimin për të informuar komunitetin ndërkombëtar dhe qytetarët serbë për gjendjen e rëndë të shqiptarëve në Serbi.
Ky takim përforcon edhe më shumë lidhjet tona historike dhe politike për të drejtat e njeriut dhe barazinë!”
Discussion about this post